Hav Group ventar auka lønsemd

Havyard Group held fast ved tidlegare anslag om at 2021 vil ende med ei driftsinntekt på mellom 850 og 950 millionar kroner. Samstundes skriv selskapet i kvartalsrapporten for 3. kvartal at lønsemda vil bli omlag på nivå med driftsmargin selskapet hadde i tredje kvartal.

Driftsmarginen er driftresultatet i prosent av driftsinntekene. Anslaga betyr at Hav Group vil få eit driftsresultat på mellom 114 og 127 milliona kroner i 2021.

Les børsmelding frå Havyard Group her

Les børsmelding frå Hav Group her

Skilde ut
I november 2020 skilde Havyard Group ut datterselskapa Havyard Hydrogen, Havyard Design & Solutions, Norwegian Electric Systems og Norwegian Greentech, og samla dei i Hav Group. Hav Group blei notert på Oslo Børs i mars i år.

Etter omorganiseringa er Havyard Group eit selskap som i hovudsak eig skipsverftet i Leirvik i Sogn og aksjar i Hav Group. Aksjeposten er på 66,46 prosent.

14. desember skal ei ekstraordinær generalforsamling i Havyard Group avgjere om selskapet skal dele ut inntil halvparten av Hav Group-aksjane sine som eit ekstraordinært utbytte til Havyard Group-eigarane.

Ombygging og vedlikehald
Skipsverftet i Leirvik har levert eitt skip i tredje kvartal og eitt i fjerde kvartal.

Omorganiseringa og refinansiering av skipsbyggingsverksemda til Havyard Group er ferdig, og framover er det ombygging, reparasjon og vedlikehald verftet først og fremst skal satse på.