Her er milliardskipet sjøsett
Rimfrost sitt nye krillskip til over ein milliard kroner er sjøsett. Også Teige Rederi sitt nye fiskefartøy er på vatnet.
Sjøsettinga skjedde ved Tersan-verftet i tyrkiske Yalova måndag morgon.
Her er skroget bygt til det 120 meter lange krillskipet som er designa av Kongsberg Maritime.
No skal skipet slepast til Westcon i Florø, der skipet skal ferdig utrustast.
Les også
Store ringvirkningar
Skipet er ei storsatsing frå
Rimfrost si side, men det gir også store ringvirkningar for andre
selskap på Sunnmøre. Blant anna skal det leverast utstyr og gjerast
oppdrag for rundt ein halv milliard kroner frå selskap på Sunnmøre og i
resten av Norge.
Krillskipet skal etter planen kome i fiske til neste haust i Antarktis.
Rimfrost har opsjon på endå eit krillfartøy.
E10/S2 Stig Remøy og Rolf Fiskerstrand om GIEK / Eksportkreditt Norge og framtida til norsk eksport
60 personar
Nyeskipet vert innreidd for 60 personar.
Det er konstruert for krevjande operasjonar i Antarktis, og skal blant anna utstyrast med eit optimalisert dieselelektrisk anlegg, basert på lav-svovel diesel med eksosreinsing.
Det er også lagt opp til omfattande varmegjenvinning frå eksos, kjølevatn og prosessvarme frå fabrikk.
Endå ein Herøy-båt sjøsett
Sjøsettinga av Rimfrost sitt krillskip var den andre sjøsetjinga for eit Herøy-reiarlag frå verfta i Yalova på to dagar.
Laurdag vart nemleg fiskefartøyet Sunny Lady til Teige Rederi sjøsett frå Cemre-verftet, til tonane frå Tom Jones sin låt 'She's a lady'.
Publisert: 22.11.2021 09:18
Sist oppdatert: 22.11.2021 11:01