I dag blir krava bestemte

Men overfor Klassekampen slår Eggum likevel fast at dei ikkje får gjort noko med at fjorårets oppgjer vart ete opp av rekordhøge prisar.

I lønnsoppgjera er eitt forbund viktigare enn dei andre, nemleg Fellesforbundet, som organiserer dei såkalla frontfaga, altså arbeidarane i konkurranseutsett industri.

Krev auka kjøpekraft
Tysdag vedtek forbundsstyret i LOs største forbund i privat sektor politikken sin for årets oppgjer.

Forbundsleiar Jørn Eggum er klar på at auka kjøpekraft blir det viktigaste i år.

– Det er eit hårete mål i seg sjølv i dei tidene vi er inne i, seier han.

- Tid for eit løft
I praksis betyr det at lønnskrava må vere høgare enn den forventa prisstiginga. Det siste anslaget frå Statistisk sentralbyrå er at prisveksten i år vil bli 2,6 prosent.

Til VG søndag sa Eggum at det er tid for eit løft etter to år der LO berre har kravd å halde oppe kjøpekrafta. Eggum sa òg at regjeringa må ta meir av straumrekninga. Viss ikkje vil lønnskravet bli skrudd opp.