Knallgode resultat for Tømrer Gruppen

Gjennom 20 år har dei bygd om lag 1000 bustader i kommunane på Søre Sunnmøre.
Tømrer Gruppen har dei siste seks åra hatt ei omsetning mellom 120 og 160 millioner kroner og har særleg dei siste to åra hatt solide resultat. Både i fjor og året før låg resultatet før skatt i konsernet på omlag 26 millionar kroner (sjå tabell).

Store på bustadutvikling i eigenregi

Det er Tømrer Service as, Tømrer Prosjekt as og Tømrer Eiendom as som er driftsselskapa i konsernet.
Største aktiviteten ligg i selskapet Tømrer Prosjekt as, som er eit utbyggingsfirma som bygg ut byggjefelt og fleirmannsbustader i eigen regi. I perioden 2009-2016 hadde dei omlag 900 millionar kroner i salsinntekter i dette eigenregiselskapet.
Selskapet Tømrer Service as er forhandlar av Mesterhus, men er også eit allsidig entreprenørfirma som ikkje berre bygg Mesterhus einebustadar. Dei designar, teiknar og prosjekterar einebustader, leilegheitshus, bustadblokker og bustadfelt.

Ventar resultatet på same nivå i år

Styret i Tømrer Gruppen skriv i årsmeldinga for i fjor at dei ser på framtidsutsiktene som gode og at dei forventar omtrent same omsetning og resultat i 2017 som i fjor.
Henning Heltne og Odd Martin Velsvik eig hhv 42,2 og 41,1 prosent av selskapet, medan Terje Tranvåg og Børre Heltne eig hhv 11,1 prosent og 5,6 prosent.
Det var i fjor 33 årsverk i konsernet.
Les også: