Koronagevinst for Hofseth

Hofseth International-konsernet har tre foredlingsanlegg, på Valderøya, i Ålesund og i Syvde. Hovudprodukta alle tre stadane er frosne produkt til daglegvaremarknaden.
"Etter utbruddet av Covid-19 har volumet i dette segmentet økt", skriv konsernet i årsrapporten for 2019. Så langt i år har endringane i marknaden etter at den verdsomfattande epidemien kom påverka drifta i konsernet positivt.

Foredling gav best resultat

I tillegg til foredling er Hofseth International-konsernet medeigar i og driv Hofseth Aqua, tidlegare Fjordlaks Aqua, med sjøaureoppdrettsanlegg i Storfjorden.
Fallande prisar på oppdrettsfisk har gjort reduserte innkjøpskostnadane til foredlingsanlegga. Det har meir en vege opp for at oppdrett er blitt mindre lønsamt. I fjor var første året der foredlingsverksemda gav større lønsemd enn oppdrettsverksemda, seier Roger Hofseth, leiar og største aksjonær i Hofseth International-konsernet. Den trenden har halde seg også i år.
Driftsinntektene til konsernet auka frå 3,4 til 4,2 milliardar kroner og oppsvinget skuldast auka sal - målt i volum, i følgje Hofseth. Stordriftsfordelen slår ut i auka lønsemd, og Hofseth seier dagens anlegg har kapasitet til ytterlegare auke. (Sjå tabell med resultat - på mobil finn du tabellen nederst på sida)

Japanske allierte

Roger Hofseths selskap Roger Hofseth as er største eigar med 45 prosent av aksjane i Hofseth International. Japanske Alliance Seafood eig 14 prosent og finansdirektør Ola Holens selskap Paso eig 8,5 prosent.
Dei tre viktigaste selskapa i konsernet er Seafood Farmers of Norvay med anlegg på Valderøya, Hofseth Ålesund med foredlingsanlegg i Ålesund og Hofseth as med anlegg i Syvde.
I tillegg eig selskapet 50 prosent av dei bestemmande A-aksjane i Hofseth Aqua og er medeigar i børsnoterte Hofseth Biocare, som videreforedlar avskjær og restråstoff frå lakseslakteri. Eigarskapen på 17,9 prosent i Hofseth Biocare er både direkte og gjennom datterselskap i konsernet. Hofseth Biocare er i dag verdsett til omlag 2,7 milliardar kroner på børsen.