![Hovdenakk Maskinering foto Hovdenakk maskinering](/imager/images/364582/Hovdenakk-Maskinering-foto-Hovdenakk-maskinering_859d8f71e51cdcc79197ecd3648d156c.webp)
Koronapermitteringane kom før påske
Hovdenakk Maskinering kom seg gjennom 2020 utan permitteringar, men før påske vart det for lite å gjere.
- Det var som å skur att ei kran, seier Kjetil Hovdenakk i Hovdenakk Maskinering om det som skjedde med ordreinngangen då koronakrisa kom i mars i fjor.
Maskineringselskapet i Åmdalen i Ørsta er leverandør av deler til maritime industribedrifter. Sjølv om det er lite, med fire sysselsette årsverk i fjor, er selskapet ein god temperaturmålar på tilstanden i den maritime klynga.
I 2017 hadde selskapet 3,1 millionar kroner i driftsinntekter, i 2019 hadde det stige til 5,7 millionar kroner. Både i 2018 og 2019 hadde selskapet eit resultat før skatt på over 13 prosent av driftsinntektene.
God start
I starten av 2020 låg Hovdenakk Maskinering an til at året skulle bli på line med 2019.
Men dei lyse utsiktene i starten av 2020 blei øydelagt av koronakrisa. I omlag eit par månader kom det ikkje inn nye oppdrag og 2020 enda med eit lite minusresultat (sjå tabell).
Takka vere ei uvanleg tjukk ordrebok hadde selskapet arbeid til ut i mai i fjor. Etterkvart kom det og inn nye oppdrag, slik at selskapet greidde å halde alle i arbeid i 2020.
Permitterte før påske
Før påske var det dessverre ingen veg utanom å permittere, seier Kjetil Hovdenakk. To av dei fire tilsette er permitter på uviss tid. Oppdragsmengda er blitt for lita.
- Vi må få inn ein del arbeid for å kunne ta dei inn att, seier Hovdenakk.
Håpet er at ei gradvis lette i koronatiltaka utover våren og sommaren skal sette ny fart i marknaden.
Hovdenakk Maskinering as | ||
Tal i mill. kroner | 2020 | 2019 |
Driftsinntekter | 4,9 | 5,7 |
Driftsresultat | 0,1 | 0,8 |
Resultat før skatt | -0,1 | 0,7 |
Publisert: 08.04.2021 09:36
Sist oppdatert: 08.04.2021 09:37