Kristian Siem skal konkurrere med Ulstein, Kleven og Havyard

Verftet som vert overtatt er Flensburger Schiffbau-Gesellschaft (FSG) i tyske Flensburg.
I ei pressemelding frå selskapet vert det opplyst at Siem Industries vil overta ansvaret for heile verftet og alle arbeidarane.
Siem har bygd mange av sine 145 skip i Norge, mellom anna har Siem Offshore siste åra bygd mange skip ved Kleven i Ulsteinvik.
No forventar den tyske leiinga at Siem vil byggje fleire skip ved sitt eige verft i Tyskland.
- Dette utgjer ein stor sjanse for oss, både for verftet og dei tilsette, seier FSG-direktørane Peter Sierk og Frank Bywater i pressemeldinga.

Byggjer to Siem-skip

Dei ser spesielt for seg store mulegheiter innanfor offshoremarknaden.
- Siem Industrier er eit suksessrikt, globalt retta og finansielt sterkt familieeigd selskap. Det gir oss - Flensburger Shiffbau-Gesellschaft - mulegheiter å halde fram med vår suksessrike satsing inn mot den globale offshoremarknaden.
Siem Offshore har alt to skip under bygging ved verftet. Det er to brønnintervensjonsskip, to kontraktar som vart.
Det tyske verftet har ei 143-årig historie, og har i løpet av desse åra seld, utvikla og bygd over 760 fartøy. Dei siste 14 åra har verftet spesielt vore stor aktør innan bygging av RoRo-fartøy (roll on - roll off).

Satsar offshore

Dei aller siste åra har derimot verftet satsa meir inn mot offshoremarknaden, og har vunne kontraktar for bygging av seismikkfartøy, brønnintervensjonsfartøy og andre spesialfartøy.
Ordreboka består av ei RoPax-ferje for skottiske CMAL, eit seismikkfartøy for WesternGeco, to offshorefartøy for Siem Offshore, samt ei gassdriven Ro-Ro-ferje for australske SeaRoad.
Selskapet opplyser at ein har fylt opp kapasiteten til 3. kvartal 2016.
I pressemeldinga vert det ikkje opplyst kor mykje Siem Industries betaler for verftet, men det vert opplyst at handelen er omfatta av visse vilkår, og vert forventa å vere fullført i slutten av oktober.
Ifølgje har verftet sidan desember 2008 vore eigd av verftsleiinga.