Legg fram industriløft på Ulstein

Torsdag klokka 10 er det kalla inn til pressekonferanse fleire stader i landet for å snakke om vegkartet for regjeringas industriløft.

Arbeiderpartiets næringspolitiske talsperson Per Vidar Kjølmoen kjem til Ulstein Verft for å legge fram planen for korleis regjeringa vil løfte industrien inn i ei grønare framtid.

Statsminister Jonas Gahr Støre og næringsminister Jan Christian Vestre har pressekonferanse om same tema i Stavanger.

Følg pressekonferansen frå torsdag kl 10

Kjem tiltak for maritim industri
Grøn maritim eksport er peika ut som eitt av fleire satsingsområder i regjeringas eksportstrategi, saman med havvind.

Difor er det grunn til å vente konkrete tiltak mellom anna for verftsindustrien, men Per Vidar Kjølmoen ville ikkje avsløre stort på førehand.

– Eg meiner Ap og Sp legg fram ny politikk som vil innebere eit godt løft, også for maritim industri, sa han til NETT NO.

Vil auke eksporten frå fastlandet
Støre-regjeringa vil jobbe spesielt med å auke eksporten frå fastlandsindustrien. Heile 50 prosent innan 2030 er det uttalte målet.

– Industriløftet er ei operasjonalisering av dette, med tiltak om korleis vi har tenkt til å kome dit, sa Kjølmoen.

Utover maritim næring og havvind, er hydrogen, CO2-håndtering og batteriindustrien trekt fram som satsingsområder, i tilegg til grøne prosjekt i prosessindustrien og skog-, tre- og bionæringen.