Legg fram lønstøtte-ordning fredag

NPK-NTB/NETT NO
– Dei siste par vekene har eg hatt dagleg kontakt med partane i arbeidslivet om kva næringslivet treng. Vi har vore tydelege på at vi får på plass ei lønnsstøtteordning denne veka. Ordninga vil vere klar fredag, seier næringsminister Jan Christian Vestre (Ap) til avisa.

Han legg til at denne ordninga vil komme på toppen av ei justert kompensasjonsordning, vidare blir den kommunale kompensasjonsordninga styrkt med 1 milliard kroner, og i tillegg blir gjeninnførte kompensasjon for tapt varelager.

Stengjer dørene
Etter at regjeringa innførte skjenkestopp landet over mandag denne veka, utan å ha lønstøtteordninga klar, har mellom andre fleire restaurantar i Ålesund stengt dørene og permittert dei tilsette på ubestemt tid.

Reiselivssjef Tom Anker Skrede i Visit Ålesund og Sunnmøre meiner omfanget av permitteringar kunne blitt mindre om lønsstøtteordningar var klar før.

- Eg synest det er merkeleg at når ein seti gang så strenge tiltak, at lønstøtteordninga ikkje kunne bli lagt fram i nærleiken av samme tid, sa Skrede til NETT NO i går.

Vedum lova ordning
– Det betyr at serveringsstader som no er direkte ramma av smitteverntiltaka, kan få dekt heile tapet for varer som går ut på dato eller som må kastast, seier han.

Tysdag la regjeringa fram ein omfattande krisepakke for næringslivet og kulturbransjen for å hjelpe dei gjennom endå ein runde med strenge koronatiltak. Men lønnsstøtte, som har vore etterspurt av opposisjonen og partane i arbeidslivet, mangla.

Finansminister Trygve Slagsvold Vedum (Sp) lova likevel at regjeringa ville bruke veka på å få på plass dette til bedriftene, og dette løftet ser han dermed ut til å halde.

Permisjonsvarsel alt ute
Etter at regjeringa innførte nye og strengare koronatiltak, har fleire hotellkjeder, og dessutan restaurantar og serveringsstader varsla permitteringar. Tiltaka rammar bransjen hardt – med skjenkjestopp, maksimaltal på arrangement og avstandskrav ved servering.

Bransjen har klare forventningar til den varsla lønnsstøtteordninga.

– Blir ordninga puslete eller innretta på ein slik måte at vi som eit større konsern ikkje kan bruke henne, må vi dessverre gå til massepermitteringar like før jul, sa Choice-sjef Torgeir Silseth til FriFagbevegelse tidlegare onsdag.