Møgster med milliardemisjon

I ei børsmelding sendt ut i kveld skriv selskapet at det er blitt samd med sine større eigarar, obligasjonslångivarar, bankar og moglege nye medeigarar om ein refinansieringsplan for offshorereiarlaget.

1,2 milliardar kroner

Møgsterfamilien, med Helge Møgster i spissen er storaksjonær i DOF gjennom selskapet Møgster Offshore. Møgster Offshore vil på førehand teikne seg for 750 millionar kroner i den planlagde kapitalutvidinga, som kan blir på opptil 1,2 milliardar kroner.
Emisjonskursen blir ei krone pr. aksje. DOF blei i dag handla på Oslo Børs til 4,27 kroner pr. aksje.

Vil kjøpe obligasjonslån

Alt som kjem inn over 850 millionar kroner i emisjonen skal brukast til å tilby eigarane av obligasjonslåna å kjøpe attende oblgasjonane til 50 prosent av pålydande. Det betyr at dei obligasjonseigarane som takkar ja får att halvparten av det dei har lånt ut til DOF.
DOF har tre obligasjonslån, på tilsaman to milliardar kroner. Som ein del av refinansieringsplanen skal lånet gjerast om til eit femårig konvertibelt obligasjonslån på ein milliard kroner (minus verdien av obligasjonslån som eventuelt blir kjøpt attende).
Framlegget inneber at långivarane halverer lånet mot ein rett til å gjere om obligasjonane til aksjar i selskapet når som helst før lånet forfell til betaling. Konverteringskursen er den same som ved emisjonen, ei kroner pr. aksje.

Lettare vilkår

Som ein del av planen skal selskapet også sleppe avdrag på alle banklån som ikkje er knytta opp mot skip i Brasil. Det vil betre likviditetssituasjonen med 1,3 milliardar kroner i året.
Samla sett vil refinansieringsplanen betre likviditeten med omlag 4,5 milliardar kroner over ein femårsperiode og redusere gjelda med rundt tre milliardar kroner.

71 skip

DOF ein flåte på 71 skip og hadde 10,8 milliardar kroner i driftsinntekter i 2015.
Møgster Offshore eig 51,22 prosent av aksjane. Møgster Offshore er eigd av Møgsterfamilien sitt holdingselskap Laco. Direkte og indirekte er Laco storaksjonær i fiskeriselskapet Austevoll Seafood, oppdrettselskapet og Havfiskaksjonæren Lerøy Seafood og i det pelagiske indistriselskapet Pelagia.