Mohn bak Fjord1-kjøp

Det var Frederik Wilhelm Mohns selskap Perestroika som sto bak bodet på 45 kroner pr. Fjord1-aksje i går. Han ville ha tak i minst fem prosent, men fekk tak i åtte prosent av aksjane.
Etter dette kjøpet eig Perestroika 18,46 prosent av Fjord1-aksjane.

Stor interesse

I ei børsmelding etter at handelen på Oslo Børs stengte i går ettermiddag kom meldinga om at Arctic Securities hadde fått jobben med å få tak i seljarar av minst fem prosent av aksjane i Fjord1. Fem prosent av aksjane utgjer fem millionar aksjar. Dersom det kom fleire aksjar til sals til 45 kroner pr. aksje har investoren bak bodet - som i dag viste seg å vere Mohn - sikra seg retten til å kjøpe meir enn fem prosent av selskapet.
I føljge børsmeldinga i dag var det stor interesse for bodet, og Mohn fekk tak i åtte millionar aksjar, tilsvarande åtte prosent av alle aksjane i selskapet.

Strid etter Sævik-kjøp

Gjennom investeringselskapet Perestroika kjøpte Bergens-investoren Frederik Wilhelm Mohn i slutten av januar 377.260 aksjar i Fjord1 og passerte dermed 10 prosent eigarskap i det børsnoterte ferjereiarlaget.

Mohn trekte seg frå styret i Fjord1 i desember 2019 etter at majoritetseigaren, Sævikfamiliens selskap Havilafjord og Havilafjord Holding, kjøpte seg opp frå 51 prosent eigarskap til å eige 66,5 prosent av selskapet. I partnerskap med amerikanske Vision Ridge Partners kontrollerer Sævikfamilien og det amerikanske selskapet 70,35 prosent av aksjane i Fjord1.
Då Mohn trekte seg frå styret sa han at han meinte selskapet var verdt meir enn 45 kroner pr. aksje, som var prisen Havila og Vision Rigde Partners betalte for å kjøpe seg opp.