Møre og Romsdal Høgre ber regjeringa skifte kurs

Fylkesårsmøtet i Møre og Romsdal Høgre 15. og 16. februar går mot regjeringa i både fiskeri- og samferdselspolitikken.
Framlegget til nye reglar for korleis fiskekvotane skal fordelast har haust omfattande kritikk frå store deler at fiskerinæringa etter at det blei langt fram i fjor. Det er spesielt framlegget om å innføre ein statleg fiskekvotebank der staten dreg inn ein del av kvotane når fiskarane samlar større kvotar på færre farty - som har møtt motbør.
Den ferske fiskeriministeren, Geir-Inge Sivertsen, forsvarte heller ikkje regjeringa sitt framlegg om ein statleg fiskekvotebank då han møtte årsmøtedeltakarane på årsmøtet til Fiskebåt i førre veke.

Nei til kvotebank

No har Møre og Romsdal Høgre bestemt seg for å seie nei til fiskekvotebank. Det bryt med tidlegare avtalar og svekkjer finansiseringsgrunnlaget for å bygge nye fiskebåtar meiner partiet.
"I kvotemeldingen legges det opp til en statlig kvotebeholdning (kvotebank). Dette er en uheldig ordning, som bryter med tidligere inngåtte avtaler mellom fiskerne og myndighetene", heiter det resolusjonen.

Staten må ta rekninga

Då dei første reaksjonanen på auken i ferjebillettprisane kom svara statsminister Erna Solberg (H) at det var fylkeskommunane sitt eige ansvar og at regjeringa hadde gitt nok pengar til å finansiere omlegginga til el-ferjer.

Etterkvart har og signaliserte at regjeringa vil revurdere politikken.

Møre og Romsdal Høgre meiner i ein resolusjon fra fylkesårsmøtet at konklusjonen er klar, "At staten kompenserer fylket for dei ekstra kostnadene for dei nye miljøkrava for ferjer."
Fylkespartiet vil og innføre lik pris og rabattsystem på ferjer over heile landet, som skal gi billettprisar på eit akseptabelt nivå. Partiet vil og gjere Autopass ordninga meir fleksibel, eksempelvis slik at det blir råd å ta betalt for passasjerar.

Venstre-støtte

Også Venstre i Møre og Romsdal har hatt årsmøtet og ber i ein resolusjon regjeringa endre kurs i ferjepolitikken:
"Sentrale myndigheter har dessverre ikke vært villig til å følge opp med bevilgninger til elektrifisering av ferjeflåten. Vi anser det som urovekkende at denne ekstrakostnaden med å være mer miljøvennlig skal lempes over til næringsliv og befolkningen. Møre og Romsdal Venstre forventer at Stortingets pålegg om klima- og miljøvennlige ferjer nå følges opp med statlige bevilgninger."