Nedgang på Vigra

Både innanlandstrafikken (minus 2,9 prosent) og utanlandstrafikken (minus 0,5 prosent) gjekk ned på Vigra i januar, samanlikna med same perioden i fjor.
For utanlandstrafikken er det færre reisande til Gdansk i Polen som slår negativt ut.
I 2019 reiste 844.192 passasjerar innanlands til og frå Vigra, ein auke på 2,1 prosent frå året før. Til utland reiste 295.060 passasjerar, ein auke på 0,4 prosent.
Til og frå Ørsta/Volda flyplass reiste 169.060 passasjerar i 2019, ein svikt på 5,1 prosent frå 2018. I januar i år er auken på 4,5 prosent samanlikna med året januar 2019.
Til og frå flyplassen på Sandane i Gloppen reiste 41.353 passasjerar i 2019, 2,1 prosent færre enn året før. Nedgangen held fram i januar i år, med 3,5 prosent færre flypassasjerar enn i januar 2019.
Molde har fått attende ei utanlandsrute og auka trafikken til utlandet med 125 prosent i januar i år samanlikna med januar i fjor. Også innanlandstrafikkene gjekk opp og samla trafikkauke er på 12,9 prosent i januar 2020, målt mot januar i fjor.
Kristinasund hadde ein auke på 7,9 prosent reisande i januar.