Nord Fiskarlag opnar for snuoperasjon

Sa nei til Fiskebåt-krav i oktober i fjor.

No kan Nord Fiskarlag snu. Det kan opne for at Fiskebåt - som organiserer eigarane av den havgåande fiskeflåten - ikkje går ut av Norges Fiskarlag likevel.

Artikkelen blir oppdatert

Det er avisa Kyst og Fjord som fortel kva styret i Nord Fiskarlag har bestemt seg for på styremøtet som starta klokka 12.00 i dag.

Tidlegare denne veka har landsstyret i Norges Fiskarlag gjort eit vedtak med mål om å halde organisasjonen samla, og unngå at Fiskebåt vedtek å melde seg ut på sitt årsmøte 11. februar i år. 

Les vedtaket her

Eitt av punkta er at representasjonen i Norges Fiskarlag sin styrande organ skal vere likt fordelt mellom dei tre medlemslaga, Fiskebåt, Sør-Norges Fiskarlag og Nord Fiskarlag. I dag har Nord Fiskarlag fleire representantar enn dei to andre.

Eit anna er at Norges Fiskarlag vil ha stabilitet i korleis fiskekvotane er fordel mellom ulike fartøygrupper. Skal Norges Fiskarlag endre syn i det spørsmålet må det kvalifisert fleirtal til.

Begge punkta samsvarar med Fiskebåt sine krav for å blir verande i Norges Fiskarlag.

Sør-Norges Fiskarlag har støtta framlegget frå landsstyret i Norges Fiskarlag. No opnar Nord Fiskarlag for at også det laget kan støtte framlegget.

På årsmøtet sitt i oktober i fjor sa Nord Fiskarlag nei til Fiskebåt sine krav.

Fiskebåt har årsmøte 11. februar, veka etter det ekstraordinære årsmøte i Nord Fiskarlag. Der er spørsmålet om Fiskebåt skal melde seg ut av Norges Fiskarlag ei av dei sentrale sakene.