Ny produsjon av kultsaft

Brænne-safta fekk kult-status i mange miljø, og det var mange som hamstra store mengder med Brænne-saft då det vart klart at det vart slutt på produksjonen.
No skal det igjen startast produksjon av safta etter den originale oppskrifta.

Gamal oppskrift

Bak står to saft-entusiastar frå Volda.
- Utruleg kjekt. Interessa for denne Brænne-safta er heilt spesiell, seier Martin Brænne frå Folkestad.
Det var Brænne-familien som stod bak saftproduksjonen i over 90 år, før selskapet vart seld, og produksjonen seinare vart stoppa.
- Den raude Brænne-safta har vorte produsert i heile min tid. Truleg starta produksjonen rundt andre verdskrigen, seier Martin Brænne.

- Sakna av mange

Han har no gitt den hemmelege oppskrifta til svigersonen Thomas Busker Larsen og kompanjongen Lars Hovlid, som står bak gjenoppstaringa av produksjonen.
Martin Brænne seier at det lenge var mykje kritikk mot produksjon av sukkerhaldig leskedrikk.
- Det er kjekt å sjå at slett ikkje alle var imot denne drikken. Faktisk har denne safta vore sakna av mange.

Facebook-aksjon

Safta skal produserast ved ved Lillestrøm.
Ei er oppretta i samband med oppstarten, som ein oppfølgjar av Facebook-aksjonen "Brænnesafta tilbake til folket".
På få dagar har den nye Facebook-sida fått over 2.000 følgjarar, og det er stor glede mellom tilhengarane for at safta snart er tilbake i hyllene.

Mange vil ha

Initiativtakarane opplyser at safta skal vere klar i butikkhyllene på søre Sunnmøre i løpet av august, men det er mange som vil ha den spreidd vidare utover.
Kommentarane på Faceboook er mange:
- Søvika please.
- Måløy, stort savn.
- Sykkylven!
- Ålesund må være med!
- Florø!