Nysatsing for gamal seismikktravar

Noko seismikk-satsing vert det derimot ikkje.
- Med den marknaden som er i seismikk i dag, må vi tenke utradisjonelt for bruk av båten. Men meir kan eg ikkje seie no, seier direktør Rune Breivik i Northwest Management.

Med baugen i fartsretninga

Det 92 meter lange seismikkskipet ligg no i dokka ved Vard Langsten.
- Båten skal klassast, slik at alt er klart om det skal by seg noko.
- I dag er det slik at du må nesten liggje med baugen i fartsretninga og vere spenna klar når det dukkar opp eit oppdrag.

God pris

Seismikk-skipet vart kjøpt frå Western Geco i november i fjor.
- Vi fekk båten til ein overkomeleg pris. For å seie det slik, så trur eg ikkje at Western Geco vil ut med prisen, seier Breivik.
Båten vert no omdøypt og gjort klar til oppdrag.
- Vi arbeider med fleire spennande oppdrag, men ingen ting er klart før alt er klart, seier Breivik.

Ingen problem med mannskap

Båten har innreiing for 52 personar.
- Det er meir enn nok plass for alt vi kan tenkje oss å bruke båten til.
Breivik seier at det ikkje er noko problem å skaffe mannskap.
- Det kan vi ordne på ein ettermiddag. Vi har mange dyktige folk som er klare til å vere med.

Kronerulling

Det er ei rekkje aktørar bak satsinga. Største aksjonær er Økland-familien i Bergen gjennom selskapet Odinat Holding.
- I dag er det nesten ikkje muleg å få banklån til slike prosjekt, så vi må derfor ty til andre løysingar.
- I stor grad har vi basert oss på kronerulling, seier Breivik.
Han seier at det 32 år gamle skipet er i god stand.
- Vi vart positivt overraska over kor god båten var i stand.
- No håper vi at vi snart kan få båten i drift. Han har lege lenge nok ved kai.