Nytt underskot i fjor – ser lysare ut i år

Inntektene gjekk litt ned, og underskotet vart litt verre enn i 2022.

Det viser 2023-rekneskapen for Ahl As, som er Momentium-eigarane Ante Giskeødegård og Lars Berg Giskeødegård sitt konsernselskap.

Søskenbarna har bygd opp Momentium som ein stor leverandør i kulturbransjen som konsert- og festivalarrangør. Seinast i helga gjekk årets største arrangement av stabelen, Jugendfest i Ålesund.

Innunder Alh-paraplyen er også Løvenvold Theater, T2 Scene og Terminalen Byscene og platestudioet Ocean Sound Recordings.

Koronapandemien påverka også delar av aktiviteten i fjoråret, og Ante Giskeødegård fortalde då om kostnadsauke, færre publikummarar og ugunstig valuta som utfordringar.

Ny konsertscene og lysare utsikter
I år ser det lysare ut og selskapet skriv i årsmeldinga at dei økonomiske utsiktene for konsernet er positive, knytt til festival, festivalar og konsertar.

I løpet av det siste året har Momentium-gründerane også jobba vidare med planane om å utvide verksemda til andre delar av landet med fleire konsertscener.

– Vi opna i Stavanger i fjor og i sommar har vi opna i Haugesund. Det er ein del av venuse-satsinga vår, tilsvarande Terminalen i Ålesund, fortel Lars Berg Giskeødegård til Nett No.

Har spisse verksemda
Samtidig som Momentium-konsernet har vekse i kjølvatnet av pandemien, har dei spissa verksemda mot konsertar og festivalar. Til eksempel har dei arrangert ein ny festivalen i Haugesund i sommar.

– Det handlar om å fokusere meir på kjernen av det vi er gode på, legg Giskeødegård til.

Undervegs i strategigrepet er mellom anna drifta i Momentium Event, som oppdrag for bedrifter, lagt ned.

Andre året med underskot
Omsetninga for konsernet sank frå 143 til 136 millionar i fjor, viser årsmeldinga.

Det er likevel dei nest høgaste inntektene konsernet har hatt nokon gong - og godt over nivået før pandemien, som låg kring 100 millionar.

Rekneskapen viser óg at lønnsemda svekka seg. Eit underskot før skatt på 4,2 millionar, er ein halv million verre enn året før.

Ahl-konsernet hadde kring 13,8 millionar i eigenkapital og ei langsiktig gjeld på 19,5 millionar ved utløpet av 2023.