Opptur for fjorårstaparar
Oppdrett- og hydrogenselskap med base på Nordvestlandet, mellom dagens børsvinnarar.
To av selskapa som fekk hardast medfart av marknaden i løpet av 2021, var mellom vinnarane på årets første handelsdag ved Oslo børs.
Hydrogenselskapet Hexagon Purus i Ålesund steig 10,19 prosent i løpet av dagen. Oppdrettsselskapet Atlantic Sapphire følgde like bak med ein oppgang på 9,35 prosent.
Også reiarlaget Havila Shipping i Herøy hadde ein god dag med auke på 7,49 prosent.
Energiselskapet Questerre var dagens suverene vinnar med ein oppgang på 38,69 prosent.
Oppdrettarane Statt Torsk hadde ein dårleg dag på børsen med nedgang 5,28 prosent. Golden Energy frå Ålesund låg an til ein nedgang på meir enn fem prosent, men henta seg litt inn mot slutten av dagen.
E14/S2 Børs med Christian Pritchard og Tore Tønseth
Publisert: 03.01.2022 17:07
Sist oppdatert: 03.01.2022 18:36