Opptur for Geiranger Fjordservice

På fire år har Geiranger Fjordservice auka driftsinntektene med over 65 prosent. I 2015 fekk selskapet og ein markert auke i lønsemda (sjå tabell).
Etter eit godt år ( sjå tabell) tyder alt så langt i år på at 2016 blir enda betre, seier styreleiar Leif Magne Klubbnes i Geiranger Fjordservice.

Stramma opp

Etter ein strategigjennomgang for nokre år sidan har selskapet prioritet hardare kva det skal drive med. Samstundes har det jobba med oppgåvefordelinga internt og blitt enda betre på å klargjere kven som gjer kva. Det har bidratt til resultatløftet ifjor, i følgje Klubbenes.
Sightseeing-turar på fjorden er den største delen av verksemda til Geiranger Fjordservice, men selskapet tilbyr og mellom anna kajakktur, tur med rib-båt, buss eller helikopter.
Selskapet sysselsette 14 årsverk i fjor.

Fjord1 størst

Akkurat som for Geiranger Skysslag, som driv vegen til toppen av Dalsnibba, har Geiranger Fjordservice mange aksjonærar. Den spreidde aksjonærstrukturen speglar at store deler av Geirangersamfunnet er engasjert i turistnæringa.

Største eigar er Fjord1, som og driv turistferja Geiranger - Hellesylt, med 15 prosent av aksjane. Sparebanken Møre eig 14,5 prosent og Geiranger Skysslag 11,6 prosent.