Opptur for Nord Helikopter

- Fleire tilsette, auka omsetning, og så greier vi å få med oss botnlina også, seier Nord Helikopter-sjef Erlend Folstad om 2016.
Resultatet blei godt i fjor (sjå tabell), og så langt ligg Nord Helikopter an til å gjere det enda betre år. Inntektene aukar, og lønsemda aukar enda meir i følgje Folstad.

Utvidar helikopterparken

Rundt 60 prosent av driftsinntektene til selskapet kjem frå kraftbransjen. Etter at bygginga av høgspentlina mellom Sogn og Ørskog vart ferdig i 2015 vart det eit tomrom som tok tid å fylle.

Men i løpet av 2016 strøymde det på med nye oppdrag, og selskapet utvida frå seks til åtte helikopter.
I år har selskapet kjøpt ytterlegare eitt helikopter og vurdere enda fleire kjøp.

Alliert med fleire

- Vi har fått auka oppdragsmengde, så vi er på utkikk etter nye, seier Folstad.
I dag har selskapet 38 tilsette. Blir det fleire helikopter blir det og fleire tilsette.
I fjor gjekk selskapet inn i ein joint venture-avtale med helikopterselskapa Heliscan og Heliteam.
Nord Helikopter eit eit selskap i Flakk Gruppen, med Knut Flakk som dominerande aksjonær.