Over 12 millionar til Bagid

Inspirerte av suksessen Inseanergy i Ålesund hadde med å hente inn kapital gjennom Folkeinvest satsa bagasjebrikke-selskapet Bagid på same framgangsmåte.

Iseanergy sin ide er å bruke utrangerte oppdrettsanlegg til solkraft- og eventuelt hydrogenkraftverk. Selskapet henta inn 30 millionar kroner i ein av dei største kapitalutvidingan gjort gjennom Folkeinvest.

Bagide lagar ein sporbar bagasjebrikke som skal forenkle bagasjeinnsjekking på flyplassane, som gjer det råd å spore bagasjen til ei kvar tid og som potensielt også kan vidararutviklast til bruk i godstransport.

Målet til Bagid er å hente inn mellom 9,5 og 22 millionar kroner. To dagar før teikningsperioden går ut har investorar teikna seg for 12,2 millionar kroner.

Det er godt over minstemålet, men samstundes langt unna maksimaltmålet selskapet hadde sett seg.

Ideen til Folkeinvest er å vere ein marknadplass for gründerselskap og småbedrifter på jakt etter investorar. Minstkravet til kor mykje pengar kvar investor vil gå inn med er sett så lavt at også mindre investorar kan vere med. Konsekvensen kan bli at selskapa får mange medeigarar.

Om ikkje investorane strøymer til Bagid dei to siste dagane av teikningsperioden kan det stillast spørsmål ved om selskapet kunne kome like langt ved å gå rett på utvalde eksisterande og nye investorar.

Bagid hadde allereie før den offisielle teikningsperioden starta fått tilsagn frå investorar som ville gå inn med tilsaman nesten heile minstemålet. Men Folkeinvest har ein modell der kapitalutvidingar blir varsla lenge før sjølve teikningsperioden startar - og der det er råd å kome med førehandtilsagn frå investorar. Den reelle kapitalinnhentingsprosessen er dermed allereie i gang i god tid før sjølve teikningsperioden.