Knappe 20 prosent av driftsinntektene til Sponland Foto i Ålesund kjem frå fotoautomatane i butikken, der kundane får kopiert bileta sine over på papir.
Sponland Foto eir ein av dei få tradisjonelle fotobutikkane att på Nordvestlandet, der kundane både får kjøpt fotoutstyr, kopiert bilete - og kan bli tatt bilete av i fotostudio.
Digitale bilete og elektronikkbransjens inntog i marknaden for foto- og filmutstyr, har tæra på den tradisjonelle fotobutikken, men Sponland Foto er ein av dei som har klart å oppretthalde tradisjonell drift.
I løpet av dei siste åra har mellom anna etterspørselen etter bilete på papir hatt eit kraftig comeback. Det er den største einskild-inntektskjelda, før passfoto og fotooppdrag i studio.
I fjor betalte selskapet attende koronastøtta for 2020 på omlag 30.000 kroner, som gjorde at selskapet sitt resultat bikka såvidt i minus.
- Vi synes det var fair, når vi klarte oss utan, seier dagleg leiar og medeigar Marit Brunstad om tilbakebetalinga.
Så langt i år ligg selskapet an til vekst samanlikna med i fjor, ifølgje Brunstad.
| Sponland Foto as | ||
| Tal i mill. kroner | 2021 | 2020 |
| Driftsinntekt | 6,6 | 7,0 |
| Driftsresultat | -0,03 | 0,3 |
| Resultat før skatt | -0,04 | 0,4 |
Publisert: 23.05.2022 05:00
Sist oppdatert: 22.05.2022 22:14
