Rekordår for Christie & Opsahl

- 2021 vart eit rekordår for oss på alle måtar, seier dagleg leiar Andreas Andenæs i entreprenørselskapet Christie & Opsahl.

Mange gode prosjekt, og få dårlege er forklaringa på at også lønsemda steig ( sjå tabell under).

Andenæs er optimist for 2022 også, og ventar like stor vekst og like god lønsemd i år som i fjor.

- Året i år ser veldig bra ut, seier han.

Fleire folk
Meir å gjere betyr også at selskapet treng fleire folk. I fjor tilsette Andenæs omlag 40 personar. Samstundes slutta nokre, slik at netto auke var omlag 30, til 140 tilsette.

I år er han på jakt etter like mange, i alle type fag som eit entreprenørselskap treng.

Satsar meir på Søre Sunnmøre
Christie & Opsahl har hovudkontor i Molde og kontor på Åndalsnes, i Ålesund og i Ørsta.

Ørstakontoret blei etablert i fjor og i fjor tok Christie & Opsahl også over alle 15 tilsette og driftsmidlar i Ulstein-selskapet Handverksbygg.

Christie & Opsahl har vunne fleire kontraktar på Søre Sunnmøre og skal mellom bygge den nye symjehallen i Volda.