Medan Ulstein Verft fekk rekordinntekt (i nominelle kroner) og ein kraftig resultatauke (sjå tabell), vart 2024 langt tøffare enn venta for skipsdesignselskapet Ulstein Design & Solutions.
"Resultatet for 2024 ble betydelig svakere enn forventet i hovedsak på grunn av manglende ordreinngang", skriv Ulstein Design & Solutions i årsmeldinga for 2024.
Skipsdesignselskapet har 45 tilsette.
Saman med Ulstein Power & Control er skipsdesign- og verftet dei tre største selskapa i Ulstein Group, som i fjor hadde sitt mest lønsame år sidan 2014, slik konsernet tidlegare har fortalt i ei pressemelding.
I fjor hadde Ulstein Group konsernet 3,1 milliardar kroner i inntekt og eit resultat før skatt på 135,1 millionar kroner.
Verftet veg mest
Det er inntektene og resultat til verftet som veg tyngst i konsernet, som det går fram av tabellane under.
I fjor hadde verftet sju skip under bygging og auka aktiviteten også i vedlikehaldsmarknaden. I år ventar verftet å betre likviditeten og auke eigenkapitalen, ifølgje årsmeldinga.
Trekte lønsemda ned
Underskotet i Ulstein Design & Solutions trekte ned lønsemda for konsernet i fjor og selskapet har sett i verk tiltak for å betre den i år.
"Styret anser resultatet som lite tilfredsstillende og både egenkapitalen og selskapets likviditet er anstrengt. Egenkapitalen for selskapet var ved årsskiftet NOK 14,8 millioner etter tilførsel av NOK 20 mill. i konsernbidrag. Egnekapitaluviklingne i 2024 var negativ som resultat av for lav kapasitetsutvnyttelse. Styret vil fortsette å overvåke situasjonen nøye og sammen med administrasjonen iverksette nødvendige tiltak for å sikre selskapet finansielle stabilietet i 2025.", skriv styret i årsmeldinga.
I følgje årsmeldinga ventar skipsdesignselskapet at "egenkapital og likviditet vil styrkes noe" i år.
Største aksjonær
Ulstein-søskena Gunvor, Tore, Vegard, Idar Marius og Ingerid Ulstein eig 64 prosent av aksjane i Ulstein Group gjennom selskapet Ulsmo.
Ulsmo-konsernet investerer i også i eigedom og i verdipapir.
| Ulstein Verft as | ||
| Tal i mill. kroner | 2024 | 2023 |
| Driftsinntekt | 2759,2 | 1191,2 |
| Driftsresultat | 232,9 | 28,9 |
| Resultat før skatt | 177,2 | 29,7 |
| Ulstein Design & Solutions as | ||
| Tal i mill. kroner | 2024 | 2023 |
| Driftsinntekt | 177,5 | 118,7 |
| Driftsresultat | -54,2 | -9,1 |
| Resultat før skatt | -50,1 | -3,9 |
| Ulstein Power & Control as | ||
| Tal i mill. kroner | 2024 | 2023 |
| Driftsinntekt | 105,5 | 119,2 |
| Driftsresultat | 9,1 | 9,2 |
| Resultat før skatt | 9,5 | 9,3 |
Publisert: 23.07.2025 12:10
Sist oppdatert: 23.07.2025 12:10
