Samlar vindkraft- og fiskerinæringa

Dagleg leiar Åslaug Haga i vindkraftbransje-organisasjonen Norwea er innleiar når Fiskebåt Vest har årsmøte i Ålesund fredag 2. desember.

Utanom dei obligatoriske årsmøtesakene er heile møtet avsett til å diskutere vindkraft til havs og interessekonflikta mellom vindkraft og fiskeri.

- Vi ønskjer å få ein opplysande debatt der vi også får løfta fram våre synspunkt i dette spørsmålet. Samtidig vil vi vere lydhøre overfor vindkraftbransjen og deira planar, seier styreleiar Janne Grethe Strand Aasnæs i Fiskebåt Vest i ei pressemelding.

Fiskebåt Vest er ein regional organisasjon i Fiskebåt, bransje- og arbeidsgivarorganisasjonen for eigarane av den havgåande fiskeflåten.

Mellom innleiarane er også statssektretær Elisabeth Sæther i Olje- og energidepartementet.