Samlar over 400 på sjømatkonferanse

Bransje- og arbeidsgivarorganisasjonen Sjømat Norge har gått frå cirka 450 til 550 medlemsbedrifter på to år.
Rundt 12.000 personar er tilsett hos medlemsbedriftene i Sjømat Norge, som neste veke samlar seg til årsmøte og årskonferanse i Ålesund.
Organisasjonen omfattar fleirtalet av norske oppdrettselskap, fiskeindustrien, utstyrsleverandørar til fiskeri- og oppdrettsnæringa, brønnbåtreiarlag, biomarine bedrifter og fiskefôrprodusentar.

Strategi for vekst

På årskonferansen vil Sjømat Norge legge fram eit strategidokument for utviklinga fram mot 2030 der organisasjonen skal kombinere tiltak for vekst i produksjon og lønsemd, med tiltak for å sikre at veksten er berekraftig på lang sikt.

Dokumentet er ein del av ein pågåande prosess, der medlemane skal bruke årsmøtet og konferansen til å diskutere konkretisering av tiltaka, i følgje Haram.
Strategien vil innhalde framlegg både når det gjeld teknologiutvikling og regelverk.

Fleire medlemar

Sjømat Norge er ei foreining under Næringslivets Hovedorganisasjon (NHO).
Opphavleg hadde den sitt tyngdpunkt i fiskerindustri og oppdrett, men veksten i medlemstalet dei siste åra skuldast at organisasjonen har vunsne innpass hos utstyrsleverandørarne til fiskeri- og oppdrett.
Informasjonssjef Øyvind André Haram i Sjømat Norge seier organisasjonen reknar med å auke medlemsmassen ytterlegare framover.