Sel seg ned i Hexagon

Selskapet Flakk Rollon har onsdag seld 1.650.000 aksjar i Hexagon Composites til ein snittkurs på 37,50 kroner aksjen.

Det opplyser Hexagon i ei børsmelding torsdag.

Flakk Rollon er eit heileigd selskap av Flakk Gruppen, som igjen er eigd av Knut Flakk og døtrene Erika June Flakk og Maria Lilly Flakk.

Aksjar til over ein milliard
Knut Flakk eig 10 prosent, medan døtrene eig 45 prosent kvar.

Knut Flakk sit på A-aksjar i selskapet, medan døtrene har B-aksjar.

Totalt gir aksjesalet 61,875 millionar kroner.

Flakk-familien sit framleis med 27.835.969 aksjar i Hexagon Composites. Med dagens aksjekurs, er verdien på vel ein milliard kroner.

Litt opp på børsen
Nedsalet har så langt ikkje påverka aksjekursen.

Klokka 09:30 torsdag vert Hexagon Composites-aksjen omsett til 37,82 kroner, ein oppgang på 0,69 prosent frå sluttkursen onsdag.

Heile selskapet er dermed prisa til vel 7,6 milliardar kroner.