Sparer 10 millionar på VR-briller

- Introduksjonen av VR-briller har sparte oss for 10 millionar kroner, seier Jan Børre Rydningen, som er sjef for Blue Innovation Arena, innvasjonssenteret ÅKP skal drive i tredje etasje i den nye fløyen av NMK-bygget i Ålesund.
Den opphavleg planen var eit plasskrevande anlegg med store skjermar.
No er det bytta ut med briller med dataskjermar i, slik som Rydningen går med på bildet. Den praktiske nytten er den same, men prisen er vesentleg lågare.

10-15 millionar kroner

I første omgang er planen å investere 10-15 millionar kroner i datautstyr og programvare i senteret, seier Rydningen. Då kjem ei innsparing på 10 millionar kroner godt med.
På simultatorteknologikonferansen i Ålesund i dag kunne Rydingeng og ÅKP-sjef Per Erik Dalen også glede seg over ei gåve på to millionar kroner frå Sparebanken Møre til det nye senteret.
- Vi vil vere med og gi miljøet eit ekstra løft, seier Terje Krøvel, leiar for bedriftsmarknaden i banken.

Raskare innovasjon

Innovasjonsenteret, som skal fylle ein etasje i nybygget som er under oppføring på NMK i Ålesund, skal mellom anna gjer det raskare å utvikle, teste og lansere nye idear og produkt. Poenget er mellom anna å kunne gjennomføre omfattande testing og utprøving på datamodellar, og luke ut feil og manglar før det blir bygd fysiske prototypar.

Kuttar kostnadar

I fjor var planen å investere mellom 30 og 50 millionar kroner i datautstyr og programvare, sa ÅKP-sjef Per Erik Dalen på Fosnavågkonferansen 2016.

Tøffe tider for oljerelaterte maritime bedrifter, som skulle bidra i satsinga, har gjort at investeringsplanane i første omgang er redusert i følgje Rydningen.

Søker katapult-status

Innsparinga som VR-brillene gir bøter på ein del av verknaden av reduserte investering i starten, men ikkje alt.
Draumen er å skru opp investeringane i ny programvare til 15-20 millionar kroner i året, og Blue Innvation Arena har søkt om å få status som katapultsenter, der staten går inn og medfinansierer senter for satsing på ny industriteknologi. Avklaringa om Blue Innovation Arena får slik status kjem til sommaren, i følgje Rydningen.