Sterk vekst for Adviso

Etablert i 2012 er Adviso nykomaren blant forretningsadvokatane på Nordvestlandet.
I 2013 tilsette Ingvild Vartdal og Kristin Fjellby Grung sin første fullmektig. Det var starten på ein rask vekst. I dag har selskapet fire advokatar, to advokatfullmektigar og ein kontorleiar.
I august kjem nok ein advokat, slik at den juridiske staben blir sju personar, seier Ole-Reinhart Notø.

Tre eigarar

Notø byrja i selskapet i april i fjor, og er medeigar saman med Vartdal og Fjellby Grung.
- Vi har vekst også i år, seier Notø.

Veksten i Adviso er ein del av eit generelt oppsving for forretningsadvokatane i på Nordvestlandet, samstundes som fleire tilsette har dratt større inntekter til firmaet.

Ingen oljepriseffekt

Sjølv om Adviso driv med reindyrka forretninsgsus, har oljeprisen og nedturen i oljerelatert næringsliv ikkje slått inn i oppdragsmengda.
-Det har ikkje påverka oss i det heile tatt, seier Notø.
Han ventar at typen oppdrag kan endre seg, men ser ikkje teikn til at det blir mindre å gjere.

Vanleg aksjeselskap

Adviso-eigarane har organisert selskapet som eit reindyrka aksjeselskap. Det betyr at resultatet for selskapet kan lesast rett ut av reknskapen til selskapet (sjå tabell).
Advokatfirma har ulike måtar å organisere seg på. Det gjer at reknskapstala ikkje alltid kan samanliknast direkte. Hos fylkets største selskap, Øverbø Gjørtz, er det for eksempel nødvendig å sjå på kva partnarane sit att med, og ikkje berre resultatet for firmaet.