Streiken bremser bygg- og verftsoppdrag

Kring 25.000 LO- og YS-tilsette over heile landet gjekk ut i streik frå måndag morgon.

Tilsette ved ein rekke industri og entreprenørbedrifter er mellom dei som er tekne ut på Nordvestlandet (sjå lista under saka).

Hos Christie & Opsahl i Molde er kring 80 tilsette i streik, som utgjer nærare halve arbeidsstokken.

- Vi merkar det godt, seier administrerande direktør Andreas Andenæs til NETT NO.

- Produksjonstakta går ned
Enkelte prosjekt er ramma meir enn andre, fordi dei har fleire tilsette som er organiserte. Andre prosjekt går tilnærma som normalt, ifølgje Andenæs.

- Vi forsøker å halde prosjekta i gang så godt det let seg gjere innafor dei spelereglane vi skal følgje. Produksjonstakta går ned, men det stoppar ikkje heilt opp fordi vi har uorganiserte som kan halde ting i gang, legg han til.

Christie & Opsahl har nærare 200 tilsette og har avdelingskontor i Ålesund, Ørsta og på Åndalsnes.

Elektroarbeid blir stoppa
Også verftsindustrien er ramma ved at mellom annna 82 tilsette ved Vard Electro streikar.

Kommunikasjonssjef Hege Anita Akselvoll seier dei tilsette som er i streik, har vore i jobb ved ulike Vard-avdelingar. Kva konsekvensar streiken får, er det for tidleg å seie, ifølgje Akselvoll.

- Det avhenger av lengda på streiken og korleis den utviklar seg vidare, seier ho til NETT NO.

- Krev auka kjøpekraft
Tore Sunde er tillitsvalt for dei 82 medlemmane i El og IT-forbundet som er tekne ut i streik. Han fortel at dei held seg til informasjonen dei får frå organisasjonen.

- Konflikten står om at vi krev auka kjøpekraft, noko motparten ikkje ville vere med på. Dermed enda det dessverre i brot og konsekvensen er at vi står i denne streiken, seier han til NETT NO.

Til saman har Vard Electro kring 230 tilsette med arbeidarar og administrasjon.

Fleire enn 400 i streik
Søndag blei det kjent at nær 440 tilsette ved Ekornes er tekne ut i streiken. Hovudtillitsvalt Edvar Lie fortel at det alle dei som er organisert i Industri Energi-forbundet i hovudfabrikken på Ikornnes i Sykkylven.

- Ein må ta ut alle eller ingen i ein slik situasjon, seier han uttaket.

Han trur det blir vanskeleg å halde produksjonen i gong utover nokre få dagar. Dei andre Ekornes-avdelingane er ikkje ramma av streiken per no.

Disse ferjesambanda blir ramma på Nordvestlandet

Disse bedriftene er tatt i streik av LO i første uttak:

Disse bedriftene er tatt i streik av LO i andre uttak: