Stuper 45 prosent etter melding

Det sunnmørs-dominerte seismikkselskapet opplyser i ei børsmelding tysdag at eit ikkje går som forventa.
Selskapet har tidlegare opplyst at oppdraget er på mimum 28 fartøymånader, og selskapet har fire skip liggjande på Malta i påvente av oppdragsstart.
Men no opplyser Axxis at selskapet har fått opplyst med klienten og partnerane at oppdraget vert på mindre enn 28 fartøymånader, i tillegg til at oppstarten er noko utsett.

Børsstup

Axxis er den store taparen på Oslo Børs tysdag. Rundt klokka 13:00 er aksjekursen ned 45 prosent til 2,15 kroner aksjen etter at det først vart innført børspause.
Marknaden prisar no heile selskapet til 125 millionar kroner.
Axxis fastslår i børsmeldinga at ein er trygg på at kontrakten vert gjennomført, og selskapet forhandlar no om kompensasjon, inkludert standbyrater om prosjektet vert utsett endå meir.

35 millionar USD

Axxis opplyser at forventa inntekter frå første fase av prosjektet er på rundt 35 millionar USD, med potensial for endå meir.
Kontraktsutsetjinga har ført til store utfordringar knytt til arbeidskapital for Axxis.

Manglar pengar

Selskapet har uteståande krav på rundt 33 millionar USD.
Axxis forventar at arbeidskapitalen gradvis vil betre seg, men arbeider no med ulike løysingar for å styrke den finansielle situasjonen for selskapet.
Axxis Geo Solutions satsar stort på nodeseismikk, og har hatt seks seismikkskip i sving, i tillegg til innleigde støtteskip.