Støre til opning av hydrogenfabrikk

Statsminister Jonas Gahr Støre er mellom fleire enn 100 gjestar frå inn- og utland som kjem til den offisielle opninga av Hellesylt Hydrogen Hub onsdag 18. september.

Det kjem fram i ei melding frå Norwegian Hydrogen som står bak det nye produksjonsanlegget i Stranda-bygda.

Ved anlegget som starta testproduksjon av hydrogen i sommar, kjem også den første Vireon-fyllestasjonen for hydrogen.

Norwegian Hydrogen omtalar anlegget som ein viktig milepåle i det grøne skiftet. Anlegget utgjer ifølgje selskapet eitt av verdas første lokale økosystem for sokalla grønt hydrogen – som betyr at produksjonen skjer ved hjelp av fornybar energi.

Nyttar «innestengt» kraft
Hellesylt har flere elvekraftverk, men ikke nok overføringskapasitet til å få kraften ut i markedet når produksjonen går for fullt. Å bruke denne «innestengte» krafta til å lage hydrogen, er bakgrunnen for satsingen på Hellesylt.

Under opninga blir det talar både av statsministeren, styreleiar Knut Flakk i Norwegian Hydrogen og Norwegian Hydrogen-sjef Jens Berge. Det blir óg snorklipping, omvising og tradisjonelt sunnmørsk kakebord, ifølgje meldinga.

Skal hente store summar
Norwegian Hydrogen jobbar med å etablere hydrogenproduksjon ein rekke plassar både i Norge og utlandet, og er klare til å produsere på anlegget sitt i danske Hjørring.

Nett No omtala førre veke at selskapet jobba med ei betydeleg større kapitalinnhenting, enn dei 150 millionane dei henta inn i fjor.