– Største reiselivssatsingsa i Norge på over 30 år

Måndag inviterte Havila Kystruten inn til dåp og ope skip om bord på Havila Castor i Ålesund.

Havila Castor er skip nummer to av fire som reiarlaget frå Herøy skal sette i trafikk på den tradisjonsrike seglasen mellom Bergen og Kirkenes.

– Alle som står her, veit at vi ikkje berre har hatt medvind. Vi har stort sett berre hatt motvind. Men vi står framleis oppreist, og vi kjem til å levere -og levere allereie, sa administrerande direktør Bent Martini i sin tale før sjølve dåpsseremonien.

– Vi har to skip og det kjem eit tredje skip ved årsskiftet og eit fjerde skip i første kvartal, sa han.

Bygd i Tyrkia – med mange norske leverandørar
Det var møtt fram eit betydeleg antall på kaia for å sjå det heile. Reiarsjefen trekte også fram dimensjonane på milliardsatsinga.

– Dette er den største reiselivssatsingsa i Norge på over 30 år, sa han.

Reiarsjefen fortalde at han var takksam for samarbeidet med Samferdselsdepartementet og understreka at dei hadde same mål.

Alle skipa blir bygd ved Tersan-verftet i Tyrkia, men Maritini understreka at det óg var mange norske leverandørar om bord.

Båt nummer tre klar for måling
Også Per Sævik tok ordet. Storeigaren forsikra at han no såg lyst på framtida og at han var trygg på at drifta ville bli ein suksess.

Sævik fortalde at båt nr tre var klar for måling på Tersan-verftet. Då vil den med med andre ord snart vere klar for levering, la han til.

Bornebornet til reiaren, Aurora Sævik, var gudmor for skipet som blei døypt i fossevatn frå Geiranger – slik systerskipet Havila Capella vart førre veke.