To Kina-kontrakter for Marin Teknikk

Avtalane sikrar arbeid ut 2014 og eit stykke inn i 2015 for dei tilsette i Marin Teknikk, opplyser dagleg leiar Svein Rune Gjerde. Han seier at det er fleire kontrakter på gang, og at selskapet må utvide arbeidsstokken etter kontraktsrushet.
- Vi søkjer no etter nye skipsingeniørar både til kontoret i Dragsund i Herøy og til kontoret vårt i Szczecin i Polen.

2,5 milliardar

Det eine skipet er til det norske reiarlaget Norshore på Sotra, og er eit stort multifunksjonelt boreskip som har fått designnamnet MT6028.
Det andre skipet er til selskapet Mermaid Offshore Services i Thailand og er eit dykker konstruksjonsskip som har designnamnet MT6024.
Byggjeprisen for dei to skipa er rundt 2,5 milliarder norske kroner.
Norshore-skipet skal byggast ved det kinesiske verftet China’s Yantai Raffles Offshore Limited (CIMC Raffles). Skipet skal leverast med ein komplett installert utstyrspakke for boring av oljebrønner, opplyser Marin Teknikk i ei pressemelding.
Skipet har ei lengde på 156,6 meter og ei breidde på 28 meter, har innreiing for 110 personar og vert levert med boretårn med løftekapasitet på over 600 tonn, i tillegg til arrangement for å operere to ROV-ar (fjernstyrte undervassrobotar) for operasjonar på 3000 meter djupne.
Det Kina-bygde skipet skal leverast i løpet av 4. kvartal 2016. Verftet har tidlegare levert fleire Semi Submersibles til norske reiarar.

Tre opsjonar

Svein Rune Gjerde opplyser at Marin Teknikk har samarbeida tett med Norshore for å skape eit funksjonelt og trygt skip, som også følgjer opp den nye generasjonen av miljøvenlege, moderne og avanserte boreskip.
- Designet legg også stor vekt på god driftsøkonomi med det siste innan miljøvenleg dieselelektrisk framdriftsteknologi, med lave utslipp til miljøet og god lastekapasitet på det store lastedekket, samt god kapasitet under dekk.
Kontrakten inneheld også ein opsjon for ytterlegare tre fartøy av same type.

Dobbelt dykkerklokkesystem

Mermaid-skipet er eit avansert dykker- og konstruksjonsskip utvikla for å kunne utføre krevande operasjonar over heile verda.
Byggjeverftet er China Merchants Industry Holdings Co. Ltd. Fartøyet skal leverast med ei fullintegrert 18 manns dobbel dykkerklokkesystem for metningsdykk ned til 300 meter havdjupne.
Skipet har ei lengde på 120,80 meter og ei breidde på 25 meter, innreiing for 130 personer og vert levert med to offshorekraner. Den eine krana har løftekapasitet på 140 tonn for operasjon ned til 3000 meter og den andre krana har løftekapasitet på 40 tonn for operasjonar ned til 600 meter. I tillegg har skipet arrangement for operasjon for to ROV-ar for operasjonar ned til 3000 meters havdjup.

Mermaid-opsjon

Dette skipet skal leverast i løpet av tredje kvartal 2016. Den kinesiske verftsgruppa har også under bygging eit anna stort dykkeskip av MT-design for eit annet reiarlag i Singapore.
Kontrakten inneheld også ein opsjon for ytterlegare eitt fartøy av same type.
Svein Rune Gjerde seier at det er gledeleg for selskapet å signere dei to kontraktane.
- Dette er prosjekt vi har jobba med ei god stund.

Leiande aktør

Han seier at Mermaid-kontrakten stadfestar selskapet sin posisjon som verdens leiande designarar av avanserte dykker- og konstruksjonsskip.
Han viser til Marin Teknikk har designet fleire avanserte dykker konstruksjon skip, og det siste, SBM Installer, som nylig ble levert fra Keppel i Singapore, har vorte godt mottatt i marknaden.
I tillegg til dei to siste kontraktane, har Marin Teknikk signert fleire andre kontraktar.