![Koko Stine Elisabeth Goksøyr Øyvind Rekkedal Foto Ko Ko](/imager/images/583034/koko-Stine-Elisabeth-Goksøyr-Øyvind-Rekkedal-Foto-KoKo_859d8f71e51cdcc79197ecd3648d156c.webp)
Trangere for kjoleselskap i fjor
Ko&Ko til nye høgder – men fekk knekk i lønnsemda.
Kjoleselskapet Ko&Ko i Herøy selde for første gong kjoler for meir enn 30 millionar kroner i fjor.
Sjølv om omsetninga steig til nye høgder, fekk lønnsemda en kraftig knekk samanlikna med tidlegare år. Eit resultat før skatt på 1,2 millionar frå ei omsetning på 31,6 millionar – gir ein resultatgrad på 3,7 prosent.
Ko&Ko As | ||
Tal i mill. kroner | 2022 | 2021 |
Driftsinntekt | 31,6 | 23,6 |
Driftsresultat | 1,4 | 4,1 |
Resultat før skatt | 1,2 | 3,7 |
– Høgare kostnadar og svak krone
Til samanlikning har den vore på meir enn 15 prosent dei to føregåande åra.
– Eit år med høgare kostnadar og svak krone, skriv ein ferierande eigar Stine Elisabeth Goksøyr i ein sms til NETT NO.
Inntektene steig med kring 5 millionar i løpet av fjoråret. Samtidig steig utgifter og lønn med kring 7,5 millionar kroner, viser årsrekneskapen for 2022.
Eigenkapitalen er på 7,1 millionar og langsiktig gjeld i selskapet er på nær 300.000 kroner. Det vart ikkje teke utbyte, viser årsrapporten.
![Ko Ko bygg Mjølstadneset foto Ko Ko](/imager/images/436621/KoKo-bygg-Mjølstadneset-foto-KoKo_452393f9122041e91205caa465b1472b.webp)
Les også
Tre årsverk
Stine Elisabeth Goksøyr er eigar og grunnleggar og mannen Øyvind Rekkedal er dagleg leiar i Ko&Ko. Verksemda hadde tre årsverk i fjor.
Selskapet har lager, distribusjonssentral og administrasjon på Mjølstadneset. Her blir kjolane designa, før dei blir produsert i utlandet og sendt til kundane frå Fosnavåg.
Goksøyr har også eigedomsselskapet Ko&Ko Invest som eig bygget deira på Mjølstadneset som stod ferdig i 2018.
Publisert: 17.07.2023 11:29
Sist oppdatert: 17.07.2023 11:21