Trur på «game changer» for autolineflåten

Onsdag vart det klart at Leinebris-reiarane frå Herøy/Averøy har kjøpt selskapet Huseby Senior med ein kvoterett for torsk og hyse. Prisen var 150 millionar kroner, noko som er ny rekord for kvotekjøp innanfor autoline.

I eit innlegg i NETT NO torsdag skriv tidlegare fiskebåtskipper og fiskeritillitsvald Knut Arne Høyvik at han rygga då han fekk høyre om kjøpssummen, men han viser samstundes til at det er dei som har våga å satse, som hittil har lukkast.

I innlegget skriv Høyvik at han har tru på ein 'game changer' for autolineflåten gjennom kombinasjonen autoline/snurrevad.

Høyvik viser til at Ålesund-selskapet Atlantic Longline har hatt suksess med denne kombinasjonen med sin nye autolinebåt Atlantic. I tillegg har Austevoll-båten Østerfjord satsa på same kombinasjon.

"Snurrevaden er både kostnadseffektiv og effektiv å fiske med - og kvaliteten på fisken er bra. Eg er ganske sikker på at dei som satsar på denne kombinasjonen vil få betre lønnsemd eller eit reint linefiske, samtidig beheld ein oppsida av den krokfanga fisken som ein likevel fiskar," skriv Høyvik.