Underskot etter pandemisvikt i Asia

C Food Norway i Ålesund fekk eit dårleg fjorår etter at salet svikta i den asiatiske marknaden. Difor tok selskapet nyleg grep for å betre likviditeten.

Sjømatselskapet sel produkt laga av kvitfiskryggar og tørka svømmeblærer, og mykje av salet har så langt gått til Kina og Hong Kong.

Salssvikt og underskot i fjor
Omsetninga som i 2019 var oppe i heile 138 millionar, hadde skrumpa inn til 67 millionar i fjor. Det viser årsrapporten som blei offentleg denne veka.

Årsaka til nedgangen er salsvikt som følge av koronapandemien, skriv leiinga i rapporten.

2021-rekneskapen enda også med eit betydeleg underskot på 5,2 millionar kroner før skatt (sjå tabell under).

Ventar omsetningsauke i år
Marknaden i Asia er no på veg tilbake – samtidig som selskapet har auke innsatsen i andre marknader.

Omsetninga for 2022 er difor venta å vere på nivå med 2020 – om lag 100 millionar. Også dei økonomiske utsiktene vidare ser positive ut, skriv leiinga i rapporten.

(saka held fram under)

Gjeldskonvertering på 8,9 millionar
Leiinga var ikkje nøgd med likviditeten etter underskotet i fjor, og i årsrapporten går det fram at det blir jobba med ulike finansieringsløysingar.

Ved generalforsamlinga i midten av november vart det bestemt ei kapitalauke ved at 8,9 millionar kroner i gjeld, skule gjerast om til eigenkapital.

Gjeldskonverteringa vart registret i Brønnøysundregistera før helga.

Utnytter restråstoff
C Food Norway har forsking- og utviklingsavdeling i Ålesund, og selskapet hadde fire tilsette i fjor, viser årsrapporten. Produksjonen skjer i Vietnam i lag med partnaren Vietnam Diamond Age, og mykje av salet har til no vore bulkprodukt.

Tidlegare gjekk restråstoffet til dyrefor, medan det i Kina blir rekna som ei delikatesse. Produktet blir mellom anna nytta til suppe. På sikt ønsker selskapet å gå over til meir ferdigvaresal - og målet er produksjon i Norge.

I fjor vann C Food Norway nyskaperprisen til Sunnmørsposten. Selskapet har fleire aktivitetar gåande som er finansiert av Innovasjon Norge, Norges Forskningsråd, Sjømatrådet og Regionale Forskningsfond i Møre og Romsdal.