Vil ha dyrare ferjer – men droppe passasjerbetaling

Dei komande vekene skal fylkespolitikarane i Møre og Romsdal ta stilling til både forslag til kutt på driftsbudsjettet for samferdsle og innføring av Autopass. Samferdsleutvalet får sakene til behandling i sitt møte 11. november og endeleg avgjerd skal fattast i fylkestinget 9. desember.
Fylkesrådmann Ottar Brage Guttelvik har lagt fram ei prioritert liste med forslag der takstauke på ferjene står øverst. Til saman kan forslaga redusere drifta til fylkeskommunen med 77 millionar kroner neste år.
– Det er grunn til å vente at fleire av tiltaka vil skape dels kraftige reaksjonar hos brukarane våre, heiter det innleiingsvis om den saka.

Vil innføre Autopass – utan passasjerbetaling

Dei same politikarane får på bordet innføring av Autopass-regulativet. Fylkesrådmannen står på sitt forslag frå i sommar som går ut på å innføre ordninga – utan passasjerbetaling - slik vegdirektoratet har lagt opp til.
Spørsmålet om rabatt for næringslivet, er det ikkje noko avklaringa på.
I sakspapira går det fram at det har vore eit møte med dei fire fylka på Vestland og Vegdirektoratet i sommar. Der blei mellom anna rabattordning for næringslivet diskutert, utan at det kom til nokon konklusjon. Ein vart samde om at saka skulle følgjast opp i nytt møte, som førebels ikkje er kalla inn til.

Les også:

Risikerer ekstrarekning

Fylkesrådmannen påpeiker at det hastar å gjere vedtak fordi ferjereiarlaga har rekna inn store innsparingar på drifta frå nyttår som følgje av innføring av Autopass-ordninga. Saka blei utsett då den var oppe i sommar.
– Dei dokumenterte meirkostnadane ved å krevje inn billettinntekter slik som det vert gjort i dag, må Møre og Romsdal fylkeskommune dekke fullt ut, heiter det i .
Hordaland har rekna ut ei årleg ekstrautgift på 20 millionar, og fylkesadministrasjonen trur rekninga for Møre og Romsdal blir høgare.

Les meir:

Vil ha auka ferjebetaling

For å få økonomien til å gå opp har fylkesrådmannen sett opp ei rekke tiltak på samferdselssektoren. Av lista på 19 tiltak gir ei auke med ei takstsone gi størst effekt med 30 millionar årleg. Fylkesrådmannen prioriterar det øvst på si liste.
I sakspapira blir det påpeika at det kan gi misnøye mellom reisande. Nokre samband har nyleg fått auka prisen med to takstsoner grunna betre ferjetilbod, medan nokre vil få den ekstra takssona på «toppen» av auken som kjem når nye ferjekontrakter blir sett i gong.
Fylkesrådmann vil også sjå nærare på korleis ein kan spare på ferjedrifta ved å gå i forhandlingar med reiarlaga om ein reduksjon frå dagens ferjetilbod. Det vil ikkje gi effekt i 2020, men kan gi ei innsparing på 20-30 millionar dei komande åra.

Kutt på fylkesvegar

Dei andre tiltaka som gir størst effekt er mindre til drift og vedlikehald på fylkesvegane (21 mill), reduksjon i busstilbod (12 mill) og fjerning av den sokalla 50/50-ordninga (8,5 mill.).
I forslaget til fylkesrådmannen ligg det inne 440 millionar til fylkesvegane. Det reelle behovet er anslått å vere på kring 600 millionar årleg, noko som betyr at etterslepet på vedlikehald vil auke.
Fylkesrådmann skriv i at ei slik innsparing mellom anna vil gå utover oppgåver som å rydde siktforhold, fornye skilt og rekkverk, i tillegg til at ein risikerar oftare stengde tunnelar. Det blir også mindre pengar til dreneringsarbeid, vedlikehald av kaier og vinterdrift av vegar med låg trafikk.
Auka risiko for fleire drepne og hardt skadde i trafikken, fleire akuttsituasjonar og negativt omdømme er mellom konsekvensane vurderer fylkesrådmannen.

Må vurdere færre bussar

Alle operatørar som køyrer buss er bedne om å komme med forslag til korleis ein kan kutte fem prosent i gjeldande kontrakter. Fylkesrådmann peiker på bestillingstransport og auke i inntekter som moglege alternativ.
Ordninga der fylkeskommunen og kommunar har spleisa på tiltak på kommunale vegar, blir foreslått nedlagd.

Les også: