Vil kjøpe seg opp i Fjord1

I måndag opplyser Fjord 1 at Fearnley Securities har fått eit oppdrag frå ein finansiell investor om å kjøpe seg opp i transportselskapet.
Ordren er på minimum tre prosent, maksimum fem prosent av dei uteståande aksjane i selskapet.
Prisen per aksje vil verte sett gjennom ein 'bookbuilding'-prosess tilrettelagt av Fearnely Securities.
Eit vilkår for oppkjøpet er at kjøparen får tilgang til eit passande antal aksjar til ein pris som kjøparen kan akseptere.
Fearnley Securities kontaktar no aksjeeigarar i ein prosess som vert avslutta klokka 08.30 tysdag.

3,6 milliardar

Fjord1-kursen slutta måndag på 36 kroner aksjen, opp 1,4 prosent av sluttkursen fredag.
Heile selskapet er dermed prisa til 3,6 milliardar kroner.
Største aksjonær er Sævik-familien med 51,5 prosent av aksjane gjennnom selskapet Havilafjord.
Nest største aksjonær er Bergen-investor Frederik Wilhelm Mohn gjennom Perestroika med 7,7 prosent av aksjane.