Viser skader om bord i lasteskipet

Bilde teke av Sjøfartsdirektoratet sine folk om bord på Eemslift Hendrika, viser noko av skadane på lasteskipet, som var nær ved å forlise ved Stad førre veke.

Kommunikasjonsdirektør Dag Inge Aarhus i Sjøfartsdirektoratet har tidlegare fortalt til NETT NO at skipet har så store skadar at det ikkje kan få til havs før det er reparert. Mellom anna er det hull på to ballasttankar, som må utbetrast.

Thruster slo hull i tank
Bilda frå direktoratet teke fredag viser korleis ein av thrusterane som blei lagre under dekk, har laga eit hol i den eine tanken innvendig.

Det er tidlegare opplyst at thrusterar under dekk som sleit seg, skal ha vore årsaka til at skipet fekk slagside. Fire av dei seks thrusterane tilhøyrer Kongsberg Maritime, og alle skulle til servide og lagring, har selskapet opplyst til Sunnmørsposten.

Bilda viser også ei skada kran, der bommen blei slått i skutesida i samband med at arbeidsbåten til AQS sleit seg og hamna på sjøen. Ifølgje Aarhus førte også dette til at ein ballasttank fekk skader.

For tidleg å konkludere om årsak
Kommunikasjonsdirektøren opplyser samtidig tysdag at det er for tidleg å seie kva som er årsaka til havariet.

– Det er flaggstaten som har hovudansvar for å finne ut kva som gjekk galt, men også som hamnestat ønsker Sjøfartsdirektoratet å få oversikt over moglege årsaker, skadeomfang og risikovurderingar som er gjort i samband med seglas og last, skriv kommunikasjonsdirektøren i ein e-post tysdag.

Han legg til at dei har god dialog med reiarlag og klasseselskap. Planen er at direktoratet sine inspektørar skal gjere eit tilsyn om bord, så snart skipet er lossa.