Yrkesfag-interessa aukar mest

Av 3808 søkjarar har 55 prosent, 2104 personar, søkt på ulike yrkesutdanningar i Møre og Romsdal.
Det er sju prosent fleire enn i fjor, medan søknadsmengda til studiespesialisering auka med ein prosent.
- Dei siste åra har vi ligge på litt under 90 prosent, seier ​seksjonsleiar Geir Løkhaug om kor mange som kjem inn på førstevalet sitt. Det gjeld både for yrkesfag og studiespesialisering.

Bygg og anlegg aukar mest

Yrkesutdanningane som har størst auke i søkjarmassen er bygge- og anleggsteknikk (pluss 28 prosent), naturbruk (19 prosent) og elektrofag (16 prosent).
Størst nedgang er det i talet på søkjarar til medier og kommunikasjon (minus 78 prosent), som er ein del av tilbodet for del som vel studiespesialisering.

Flest vil industrien

Rangert etter talet på søkjarar til yrkesutdanning er utdanning i teknikk og industriell produksjon (510 søkjarar) helse- og oppvekstfag (484) og elektrofag (340) dei mest populære.
Frisør, design og handverk er slått saman til eitt utdanningsprogam, med i alt 410 søkjarar. Sal, service, reiseliv, trygleik og IKT er og samla i eitt utdanningprogram, med i alt 599 søkjarar.