Auka oljepris og styrka krone

Som følgje av positiv stemning i finansmarknaden og høgre oljepris, har den norske krona styrka seg, skriv sjefsøkonom Inge Furre i måndagens marknadsrapport frå Sparebanken Møre.
Krona blir no handla for 10,26 mot euro og oljeprisen ligg rundt 60 amerikanske dollar fatet.
Førre børsveke enda kraftig opp, trass blanda utvikling. Forventingar til at smittetala går ned og høgre langsiktige renter er medverkande til den positive stemning i finansmarknaden.