Døyper nytt kystvaktskip

Vards ny toppsjef Cathrine Kristiseter Marti deltek når skipsbyggjarkonsernet døyper eit nytt kystvaktskip i Tomrefjord 12. juni. Det kjem fram i ei pressemelding tysdag,

KV Hopen er det tredje og siste i rekka av nye kystvaktskip som Vard har utrusta ved Langsten-verftet.

Også klima- og miljøminister Andreas Bjelland Eriksen, administrerande direktør Gro Jære i Forsvarsmateriell og sjef for Sjøforsvaret, Oliver Berdal deltek under dåpen.

Vard har tidlegare levert kystvaktskipa KV Jan Mayen og KV Bjørnøya som følgje av milliardkontrakten.

Framover håpar Vard å sikre seg fleire oppdrag med bygging av skip til forsvaret, og har nyleg presentert sitt forslag til design for nye standardiserte fartøy.

Les meir om oppdraget.