Designkontrakt til Ulstein

Ulstein Design & Solutions har sikra seg eit designoppdrag for Jan De Nul på eit spesialskip til offshoremarknaden, ifølgje ei pressemelding. 

Skipet som vil få X-bow-baug og doble eksosfilter for låge utslepp, skal leverast i 2028.

- Vi valde Ulstein på grunn av dei velprøvde fartøydesigna deira, som gir eit sterkt fundament for å integrere alle dei operative krava våre, uttaler prosjektleiar Thomas Muysewinkel for fartøyskonstruksjon hos Jan De Nul.

Det er snakk om eit skip med stort dekksareal og høg dødvekt, som er skreddarsydd for å støtte omfattande grøfteoperasjonar ved nedgraving av røyrleidningar, kraftkablar og telekommunikasjonskablar, blir det opplyst i meldinga.