(NPK): Tysdag blei det klart at artisten Kygo – Kyrre Gjørvell-Dahll – skal sende live frå Strandafjellet i Møre og Romsdal.
Det skriv Sunnmørsposten som refererer til Instagram-kontoen til Gjørvell-Dahll der han har lagt ut eit bilete der han spelar med Sunnmørsalpane i bakgrunnen og informerer om at billettar blir lagt ut for sal fredag og at showet går av stabelen 5. mars.
– Det at han vel å legge dette til Strandafjellet er både til begeistring, men også svært viktig, både for oss, for underleverandørane våre og for hotellet og skisenteret, seier dagleg leiar Simon Pedersen hos produsent Momentium Event til Sunnmørsposten.
(©NPK)
Publisert: 10.02.2021 13:55
Sist oppdatert: 14.02.2021 22:14
