NPK-NTB: Noreg er einig med Sverige om å forlenge støtteordninga for utbygging av fornybar kraft, Dei Grøne sertifikata, i vårt naboland.
– Når Sverige ønskjer å støtte utbygging av meir fornybar elektrisitet fram mot 2030, er det ei god løysing at dette blir gjort innanfor det etablerte systemet. Det gir føreseielege og gode rammer for både utbyggjarar av fornybar kraft og norske forbrukarar, seier olje- og energiminister Terje Søviknes (Frp).
Den norsk-svenske støtteordninga som har eksistert sidan 2012, skal stimulere til auka utbygging av fornybar kraft, som solkraft, vindkraft og vasskraft.
Semja, som Olje- og energidepartementet kunngjorde onsdag formiddag, inneber at Sverige forlengjer ordninga for sin del til 2030, med eit auka mål om nyproduksjon av kapasitet tilsvarande 18 terawattimar. Det er i tråd med politiske vedtak i Sverige i fjor. Dette kjem i tillegg til finansieringa i dag av 15,2 terawattimar i 2020.
For Noregs del inneber avtalen ingen endringar, verken i kor lenge sertifikatordninga varer, finansiering eller kapasitetsmål. Regjeringa og stortingsfleirtalet er einige om at Dei Grøne sertifikata skal avviklast i 2021.
– Når Sverige ønskjer å støtte utbygging av meir fornybar elektrisitet fram mot 2030, er det ei god løysing at dette blir gjort innanfor det etablerte systemet. Det gir føreseielege og gode rammer for både utbyggjarar av fornybar kraft og norske forbrukarar, seier olje- og energiminister Terje Søviknes (Frp).
Den norsk-svenske støtteordninga som har eksistert sidan 2012, skal stimulere til auka utbygging av fornybar kraft, som solkraft, vindkraft og vasskraft.
Semja, som Olje- og energidepartementet kunngjorde onsdag formiddag, inneber at Sverige forlengjer ordninga for sin del til 2030, med eit auka mål om nyproduksjon av kapasitet tilsvarande 18 terawattimar. Det er i tråd med politiske vedtak i Sverige i fjor. Dette kjem i tillegg til finansieringa i dag av 15,2 terawattimar i 2020.
For Noregs del inneber avtalen ingen endringar, verken i kor lenge sertifikatordninga varer, finansiering eller kapasitetsmål. Regjeringa og stortingsfleirtalet er einige om at Dei Grøne sertifikata skal avviklast i 2021.
Publisert: 19.04.2017 12:34
Sist oppdatert: 10.02.2021 15:42
