Milepåle for Rem Offshore-skip

Denne helga har bygginga av dei to skipa Myklebust Verft skal levere til Rem Offshore kome avgjerande steg vidare. Det opplyser verftsdirektør Leiv Sindre Muren på Linkedin.

Skroget til Rem Pioneer – som er byggenummer 82 – blei sjøsett ved skrogverftet i Vietnam. 

Nett No fortalde nyleg at det ligg an til tidleg levering av skipet, fordi det blir nytta sokalla tørrtransport av skroget til verftet i Gurskebotn. Det reduserer tida for transporten, samanlikna med tradisjonelt slep. 

Rem Offshore-sjef Lars Conradi fortalde nyleg til Nett No at dei håpa på levering av skipet på seinsommaren neste år

I løpet av helga blei det også gjort kjølstrekk for det neste skipet – Rem Ocean – som er byggenummer 83. Dette skipet skal etter planen leverast siste halvdel av 2027.