Norsk-russiske fiskeriforhandlingar

Om to veker skal norske og russiske styresmakter forhandle om neste års fiskeriavtale. Møtet går føre seg digitalt.

Nærings- og fiskeridepartementet stadfestar til NRK at dei norsk-russiske fiskeriforhandlingane er planlagde om to veker.

– Vi fekk stadfesta før helga frå russisk side at dei aksepterer forslaget, seier kommunikasjonsrådgivar Halvard Wensel.

Avtalen inneber at Russland og Noreg blir samde om fiskekvotar. I avtalen ligg det også at russiske fiskarar kan fiske i norske område, og at russiske båtar kan levere fisk til Noreg.

Fiskeriforvaltninga i Barentshavet er skjerma frå sanksjonane mot Russland etter invasjonen av Ukraina.