(NPK-NTB): Organisasjonen «Nei til vindkraftverk på Haramsøya» går til rettssak mot staten fordi dei meiner konsesjonen som er gitt til Haram Kraft AS, er ugyldig.
Frå før har dei tapt to rundar i retten om å stanse bygginga mellombels, skriv NRK.
Søksmålet gjeld om anleggskonsesjon for bygging og drift av vindkraftverk på Haramsøya i Ålesund kommune er gyldig. Organisasjonen har samla inn pengar til å gjennomføre rettssaka.
«Med den gode responsen på innsamlinga, medlemmer som strøymer på, og lovnad frå andre deler av landet om at dei vil gjere det dei kan for å hjelpe oss å samle inn pengar om vi skulle tape, så står vi på ei runde til», skriv styreleiar Birgit Oline Kjerstad på Facebook.
Rettssaka startar i Sunnmøre tingrett 22. mars. Det er sett av fem dagar.
(©NPK)
Publisert: 10.02.2021 12:35
Sist oppdatert: 14.02.2021 22:12
