Nytt fartøy til Atlantic Seafish

Fiskefartøyet Polarbris er bygd for å fiske torsk og annan kvitfisk med snurrevad og er også utrusta med fabrikk for behandling av snøkrabbe, som fartøyet også skal delta i fisket etter, skriv avisa Sunnmørsposten.

Det er reiarlaget Atlantic Seafish i Ålesund som har fått bygd båten, som nettopp er overlevert frå Karstensens Skibsværft i Danmark.

Fartøyet er 43,5 meter langt og skal ha eit mannskap på 14.

Atlantic Seafish er eigd av Kjell-Gunnar Hoddevik, Jonny Terje Aarvik og Jan-Ove Langeland.